新鮮熱辣包膠~~
昨天老友生日,8:30pm羅湖集合,等齊10個人浩浩蕩蕩過拾味館食飯。
以為咁夜應該好多人食完走人,大把位。咁就錯啦,去到都喺要等位~
樓下支客講等10分鐘到有位。天氣悶熱,樓下無冷氣,大家都燥燥o地, 有友人提出轉第間。
諗唔到有好介紹就打俾sofood 版主問問, 可惜打極唔通電話。 咁就唯等落去,希望e間唔好令我們失望囉。
10分鐘過後,8:50pm準時座,見到枱枱坐滿,生意到幾好。
坐落後,拉拉聲點餸。估到生意好,上菜一定好慢。。平均大約4分鐘上一個。
由於有下半場,時間有d問。。我o地就無點佢地招牌豬骨煲。好啦,開始曬嘢~~
菜名 / 價錢 / 評分(5分為最高)
**碳燒羊排骨灰 / 35元 / 4.1分
羊排斬成一件件(每件約2寸), 碳燒得好入味。味道唔同燒烤果d,肉質又嫩。
燒好再落洋蔥,蒜頭,蔥花,芝麻,青椒一齊炒,上o埋鐵板再灑些少胡椒粉上面。
好香~好正~~ 。 唯一羊排骨咗d。。。10個人,一人分不到兩塊。哈~~
**平鍋飄香牛肉 / 38元 / 4.3分
必試招牌菜。銅鍋仔+煲槽點火加熱。牛肉肉質都新鮮,牛肉應該有撈o埋茨粉起過鍋,
再與雜菜配料放入銅鍋仔加熱後,都能夠keep到牛肉嫩身。唔硬唔鞋~ 正正~~
**雜糧包 / 22元 / 3.9分
主食來嘅,只有8個,我們唔夠分。。餡內有蘿蔔,豬肉,梅菜等。要趁熱食先好食。
**百合炒雞脆骨 / 38元 / 4.8分
必試招牌菜。E道菜正正正~~ d雞脆骨好爽口。部長話一隻雞得8-10只脆骨位,
炒e味餸至少要湯3只雞wor~
上碟都花咗心思咯,相為證。仲有相百合+西芹+芝麻。。yummy~~
**手撕鴨 / 52元 / 3.9分
睇落炸得好勁+好多紅色辣椒,食落唔辣,又好入味。送酒一流!連骨頭都好好啃~
不過只鴨好細只,唔抵食。
**鐵板水晶粉 / 26元 / 4.1分
鐵板上,雞蛋打底,水晶粉+牙菜+蔥花,熱辣辣, 撈o埋真喺好好味。特別喺水晶粉好彈口~
**蛤蠣蒸水蛋 / 26元 / 4.5分
E個又喺必試招牌菜。蒸水蛋食得多,真未試過海鮮蛤蠣一齊蒸。蛤蠣鮮甜,水蛋滑口。
素材好普通,but做出心思!
**手撕包菜 / 18元 / 4分
都好食。應該唔喺普通炒完上碟。
我諗喺過滾水後撈起即刻冷水,再落熱鍋+辣椒,炒兩炒,起鍋~
**上湯莧菜 / 22元 / 3.8分
一般般。D湯喺紫色嘅?
埋單勝惠人仔363, 平圴36.3元/人。
積7分, 另送張30元嘅代金券(有限期至2010-09-08)。
餐廳總評分(5分為滿分):
味道 / 4.1分
環境 / 3.9 (冷氣麻麻。見到室內仲有兩個大包廂正裝修ing~)
服務 / 4
衛生 / 4
抵食 / 4.2
買單走人,行出對面le nest 下半場。。。。。
完成篇:
@風子飲食home cookie 1@之是日晚餐
http://www.vshare.cc/thread-385033-1-1.html
@風子飲食home cookie 2@之是日晚餐
http://www.vshare.cc/thread-388004-1-1.html
@風子飲食1@之深圳南山風波莊試食篇(安徽菜)
http://www.vshare.cc/thread-371217-1-1.html
@風子飲食2@之深圳南山區波托菲諾休閒篇
http://www.vshare.cc/thread-371228-1-1.html
@風子飲食3@之深圳羅湖區地王hi tea
http://www.vshare.cc/thread-371357-1-1.html
@風子飲食4@之深圳羅湖區新x利茶餐廳
http://www.vshare.cc/thread-371659-1-1.html
@風子飲食5@之深圳羅湖區地王cafe5西餐廳
http://www.vshare.cc/thread-372092-1-2.html
@風子飲食6 @之深圳羅湖區向西渝君
http://www.vshare.cc/thread-375038-1-1.html
@風子飲食7 @之深圳東門九龍城7樓美食街
http://www.vshare.cc/thread-377516-1-1.html
@風子飲食8@之深圳福田區香蜜湖風波府試食篇(安徽菜)
http://www.vshare.cc/thread-378158-1-1.html
@風子飲食9@之深圳羅湖區新義酒樓
http://www.vshare.cc/thread-379225-1-1.html
@風子飲食10@之深圳南山區巴蜀漁村
http://www.vshare.cc/thread-384994-1-1.html
@風子飲食11@之深圳羅湖春風路7+3海鮮燒烤
http://www.vshare.cc/thread-385045-1-1.html
@風子飲食12@之深圳羅湖碗越香私家菜館
http://www.vshare.cc/thread-387992-1-1.html
@風子飲食12@之深圳羅湖拾味館
多謝欣賞 --end-- |