本帖最后由 ken_choy 于 2010-8-19 14:07 编辑
首先要多謝rocen版主邀請試食。 碗越香私家菜館個位置唔算遠。羅湖黃貝嶺wal-mark旁邊華麗路, 行入50米左手便可見到。門面雖然格攝d,但大大個招牌都見到。 好啦,7點達半準時到步,but落雨天又無帶遮..好唔老like~ :y-1: 今晚叫d餸以客家菜為主,菜式話由老細發板,實唔會差去邊我諗。 o岩坐落d人都未到齊,就好快上餸。手腳仔真喺快jek… 既然餸到上桌了就邊食邊等啦。。。開始曬嘢囉喂~~:y-67:
1. 農家特色豬肉湯 – 32元
(賣相:3.5分,味道:3.5分,抵食:3.5分) 無乜特別,見唔到有其他豬雜,得到瘦肉。好似放咗味精--- 更加喺失敗!:y-35: 其實e味湯,講求嘅喺簡單,瘦肉+豬雜要新鮮。落鍋滾水度煮約1分鐘就OK。 上桌後由客人自己落蔥花+鹽未+胡椒粉
調味就OK。以前客家人自己屋企養豬, 到燙豬果整,一般都喺淩晨4點幾開始做野,
搞掂未上磅之前,主人家例牌都會 攞返些少豬雜+梅肉(正啊~),煮個湯俾屋企大細人食完再返工返學。 就咁簡單+新鮮而出名。:y-66:
2. 碗越香魚頭煲 – 68元(賣相3.9分,味道:4.2分,抵食:4分) 魚頭都算大,肉質新鮮,二開四,份量都差唔多。初食無咩辣,
食食嚇辣嘅感覺就出來。
如果落多d配菜(如蒜頭,薑片,蔥,青椒,百角等)就更好入味同o埋好味啦。
3. 走地雞煲 – 78元(賣相:4分,味道:4分,抵食:3.8分) 雞肉鞋咗d,味道OK。都喺覺得配菜落得少,應落少少酒落去煲,會調味d。味精落少d就更加好!
本人覺得這道菜價錢偏貴。
客家私房菜嘅話,我會點白切雞或鼓油雞羅。:y-17:
4. 農家焗豆腐 - 26元(賣相:4分,味道:3.8分,抵食:4分) 個煲好大~~ 份量夠。好客家人做法,豆腐塞咗d肉餡,本身豆腐系淡嘅,撈o埋d汁好好食。正~:y-5:
5. 農家竹筍牛展 - 32元(賣相:4分,味道:4分,抵食:3.9分) 牛展肉質新鮮,有口感。竹筍都新鮮,嫩&爽口!:y-68:
6.幹煸粉蒸肉 - 28元(賣相:3分,味道:3分,抵食:3分) E個完全喺湘菜,唔知個老細喺o埋搞錯咗定點??OH NO~~ :y-19: 直情將肥豬肉切成一塊塊,撈o埋澱粉再落鍋炸。。 再炒o埋辣椒,仲要個底面超多油。:y-40:
7. 生炒菜心 - 20元(賣相:3.9分,味道:3.9分,抵食:3.8分) 一道好家菜嘅客家菜。生炒菜心落o埋豬油渣,好吊味。但食唔出豬油渣果種香味囉。:y-55: 諗起細個果整,屋企經濟唔好,阿媽買d肥豬肉返來炸油。剩返d豬油渣有d噥噥o地, 再落d豬皮落去炒,畢起一半幹身少少嘅等下餐炒生菜,一半就倒d鼓油落去悶。 果時放學返到屋企,阿媽整好咗鼓油炒飯俾我食。諗起果份親情真喺窩心!:y-22:
8. 松仔粟米炒百合 - 22元(賣相:3.8分,味道:3.5分,抵食:3.5分) 鹹咗d。太多粟米,真喺好少松子和百合囉。偷工减料丫~:y-29:
9. 碗越香炒飯 - 12元(賣相:3.5分,味道:3.9分,抵食:3.8分) 又喺個老細推薦的,不過他事先講明,個賣相唔好睇。味道就叫我o地下。。 上來見到克嘛嘛,d米圓圓地,大大粒,無肉,食到有蘿蔔幹粒+粹菜葉。 唔通客家普通特色?:y-9:
10. 客家蛋角煲(9個) - 28元(賣相:4分,味道:4分,抵食:4.2分) E味餸要贊!
最後加點嘅,果時相信大家已經7,8成飽,但都贊OK。 外包皮蛋黃做成一層層,內麵包咗肉餡,咬落彈口,肉餡有汁流出,幾好味! 其實更加好味嘅我覺得喺墊煲底嘅胡蘿蔔絲!嘩~ 嗦曬入味又可口!:y-68:
Total 10個餸人仔350元左右。按8個人計
,平圴人仔44元/人。算喺咁啦。。 有去開果頭,會再去食過。
回頭率70%對於我來講。 餐廳總評分(5分為滿分): 味道-4 環境-4 服務-4.5 衛生-4 抵食-3.8 以上評語屬本人意見,若有雷同純屬巧合。:y-87: :y-67: 完成篇:
@風子飲食1@之深圳南山風波莊試食篇(安徽菜)
http://www.vshare.cc/thread-371217-1-1.html
@風子飲食2@之深圳南山區波托菲諾休閒篇
http://www.vshare.cc/thread-371228-1-1.html
@風子飲食3@之深圳羅湖區地王hi tea
http://www.vshare.cc/thread-371357-1-1.html
@風子飲食4@之深圳羅湖區新x利茶餐廳
http://www.vshare.cc/thread-371659-1-1.html
@風子飲食5@之深圳羅湖區地王cafe5西餐廳
http://www.vshare.cc/thread-372092-1-2.html
@風子飲食6 @之深圳羅湖區向西渝君
http://www.vshare.cc/thread-375038-1-1.html
@風子飲食7 @之深圳東門九龍城7樓美食街
http://www.vshare.cc/thread-377516-1-1.html
@風子飲食8@之深圳福田區香蜜湖風波府試食篇(安徽菜)
http://www.vshare.cc/thread-378158-1-1.html@風子飲食9@之深圳羅湖區新義酒樓 http://www.vshare.cc/thread-379225-1-1.html @風子飲食10@之深圳南山區巴蜀漁村 http://www.vshare.cc/thread-384994-1-1.html @風子飲食home cookie 1@之是日晚餐 http://www.vshare.cc/thread-385033-1-1.html @風子飲食11@之深圳羅湖春風路7+3海鮮燒烤 http://www.vshare.cc/thread-385045-1-1.html @風子飲食12@之深圳羅湖碗越香私家菜館
:y-18: 預告篇:@風子飲食home cookie 2@之是日晚餐
-end- |