有時星期日睇美女廚房,見到美少女廚神個PART有批靚模在煮食物,跟住拿食物出街俾人試食.當時自己見到如此美觀的廚房在哪兒,留意節目幾次之後,小弟便去煤氣公司的銅鑼灣百德新街之Flame - Towngas Avenue試下.
店內小弟試過兩餐,店內環境廣闊清靜,見到街景.而且店內還有電視直播廚房內之運作,見到真係非常乾淨,而且明火煮食.
MENU由兩位大廚Jacky YU及Ricky CHEUNG顧問設計,當然有信心.
先講第一餐,要了個牛仔串配紅酒燒汁午餐,當然會先來個頭盤先,當陣時還有自助沙律吧(現在唔見有了),不過小弟仍然選擇三文魚柚子沙律,食落頗清新,而且三文魚油香頗豐富,配上柚子,有如一幅掛畫,顏色吸引
南瓜忌廉湯,雖然南瓜味就唔太濃,不過最喜歡此店的特製麵包,熱辣辣軟綿綿,特別以黑炭麵包最有麵包的麥香,真係兩個都可能唔夠喉.
到到主菜牛仔串配紅酒燒汁,底下有豆蓉,蕃茄及薯菜,牛仔肉非常嫩滑,肉汁鎖得到,食落肉汁啖啖出來,再加上大量配菜,一點都唔覺得乾.配紅酒汁最正宗.
最後有即磨咖啡,質素同大多之西餐廳之即磨咖啡接近.當然還加$30要個甜品梳乎厘,最喜歡入面熱辣辣而不太甜,還有少少雲呢拿吉士醬,相得益彰.
看板娘---馬場樂子---對牛仔串配紅酒燒汁餐之評分:
去到第二餐啦,先講頭啖湯先!青豆蓉湯,雖然唔係濃得好緊要,不過豆香尚豐,更好的是入面加入少少煙肉,加深香味.
同樣有熱辣辣的麵包及香草牛油.
主菜為香煎鎗魚柳配檸檬蜆芥汁,鎗魚好多時食落會有陣泥味,當然大廚整呢碟就冇啦,煎封得頗香而且都幾嫩唔乾,配上清新的檸檬蜆芥汁及配菜,可帶出鎗魚之層次感及除卻煎後之油感.
雖然沒有美女同我一齊共進午餐,當然為了襯托一下主題,借一借xbox遊戲之DREAM C CLUB(ドリームクラブ)之漫畫封面來點綴一下啦.
最後加了$58要了這個蘋果金寶(Apple Crumble),一個充滿了雲呢拿香的雪榚,加上焗到香噴噴的蘋果批,入面有大量的蘋果肉及提子乾不過食到主力是果甜而非白糖之甜,只嫌太少啦.
最後來了杯熱咖啡(Cappuccino)作尾聲,雖然不可說係頂級但仍算收貨,一路可以慢慢飲咖啡一路睇下Lucky Star第七期漫畫,在煩惱的工作中尋找休息的空間.(Lucky Star今期真係幾多字,都唔係所有日文都明,看來還是要查字典才行啦)
看板娘---馬場樂子---對香煎鎗魚柳配檸檬蜆芥汁餐之評分:
|
立即注册
登录
提升卡
置頂卡
沉默卡
喧囂卡
變色卡
顯身卡
