係！係我錯！我認！但請大家適可而止好嗎！

致各方志同道合之士：

各位！我老頑童首先自隊三野！因為就係因為我本人同師弟帶起左吹水文化！所以令到大家覺得吹水好開心同好happy！我承認所有野都係我搞出黎！所以小弟先承認過錯！唔係我 (留意，只係我，唔關師弟事，因為係我做主動帶起噶)，呢個文化係唔會帶出黎！所以如果各超版 or 版主要小，請先小我先！我在此承認我過錯！現懇情三大版主重扣小弟5000分！:y-84:否則我覺得實在有愧各超版！




但係，我希望大家明白，正骨討論區係比志同道合人仕去分享心得！係要黎真真正正分享骨場樂事！係以前，呢度好開心！因為有七成至八成回覆係分享，有一兩成係吹水 (自小本人係)！而果一兩成吹水亦有超過九成係我噶帖！但大家要留意，當時呢度根本係冇50 or 70版！我同師弟夜晚零晨四至七吹水係因為佢同我都係唔係番一份正常朝九晚五工作噶人！夜蘭人靜，跟本冇咩人！所以得佢同我兩個傾計解悶！咁師弟骨場經驗超豐富，所以小弟深受佢學問所影響，而我同佢都係吹水怪魔！所以大家會你寸下我，我又寸下你！咁大家傾得開心，你地有時睇到又睇得開心！所以我地就係咁帶起吹水文化！但當時，我地係冇為任何動機去吹水！大家只係純為吹水而吹水！JUST FOR FUN ONLY！更加唔會因為要升級睇秘聞所以去吹水！當時只有vip區！我地只係望得到神噶呼召去vip 區睇到神噶事蹟罷了！:y-58: 所以當時根本係冇咩動力去因為要升50 或者70所以去吹水！再講，呢度從來冇版規禁止吹水，只有禁止灌水！而小弟相信係當時最最最反對灌水噶人！亦係鬧得最勁噶人！反對到有黑人憎同固執噶地步！




但係我地兩個只係為左出帖、討論、分享，再帶小小吹水去為大家制造一個開心、舒服、但又不失為一個有資訊討論性噶平台比大家分享！而且當時西門神真真正正大公無私、寬大胸襟處理我呢個老頑童同師弟兩個問題中年噶問題 (如果有人唔認同！我第一個出黎同佢對質！):y-81: ，同佢and 吉野師傅有效管理呢度forum跌序，當然最最最最x100次重要係因為西門神佢神一般噶事蹟！所以vshare 先會可以咁成功！而我同師弟升級亦好大原因係因為出帖及討論而升級升番黎！我地每一個報告圖文並媒 (呢樣野我要讚讚師弟，因為係係佢身上偷師偷番黎)，所用時間小則一小時，多則一日去完成！我地每月月產最小30-40份報告！係真係有血有汗有米青！:y-62: 再加上大家熱切去討論分享，所以先帶比我地有動力同熱誠去繼續出報告比大家，亦係因為咁令到小弟老虎女發現左唔應該要知噶野最後搞到小弟要失蹤一段時間...........真係無言.......:y-23:   但係點都好，大家重記得呢個咁好噶平台所帶黎噶歡樂嗎？




而現在三大版主為左更有效去管理日漸狀大噶正骨區及杜絕25事件再次發生，佢做左好大噶改革。呢個改革我係絕對支持！因為將唔同報告分流，令討論目的更清晰！而且50區或70區亦會令25再出現機會相對減小！所以我認為呢個改革係好噶！




但係，凡事有好亦有唔好！今次噶改革，竟然令到大家為左升級睇秘聞，所以不斷回覆升級取分！本身我個人認為呢樣野係無可厚非！因為好正常此乃人之常情！但係就係因為小弟過錯，令到大家有錯覺以為吹水冇問題！所以大家不但不斷吹水，重要將說話斬件出、又或者覆一D冇意思噶回覆可以覆幾頁！甚至講到明為呃分去回覆！而又唔知點解小弟咁承蒙各位愛戴(或者係取笑)，我所到之處總會有一班志同道合之士跟住入黎吹水！而且更演化到就算小弟不在，大家都會繼續係呢度不斷呼召小弟名字，令我受籠若驚及經常眼眉挑！:y-10: 再演變到好似我無處不在咁，無論我有無份參與吹水，都發現有好多帖正在討論小弟！咁小弟又衰，好喜歡夜蘭人靜時睇晒大家回覆然後又回覆晒大家！所以就係咁，令到我所到之處，全部化為吹水之地！無一倖免！ :y-82:




其實我係最無資格講以上說話噶人，因為風氣係由我帶起！但係小弟噶回覆，係真正以資訊夾帶小小個人風格同輕鬆成份去令大家繼續開心討論，建立網上感情！我係唔會將說話斬件分開幾次出又或不斷所有post 都回覆吹水去吹一D同樓主所出噶帖完全無關噶事情！係，我知大家會話你老頑童都升到呢個級數唔駛再分又可以咩區都去到緊係大條道理講埋呢D風涼說話啦！冇錯，我知大家會咁諗，所以我一開始已經要求減5千分！又或者我願意取消此帳戶，再用回yuen0418 (現為見習會員)繼續為大家作出分享！


我希望大家要明白，其實呢度好多師兄係真真正正想出帖去令大家熱烈分享討論！吹水偶一為之小弟覺得無傷大雅！但若然過份吹水，重講明係為取一分而無所其極地用盡任何方法去吹！試問果位樓主見到，無錯係有十幾廿頁回覆好熱烈！但當中原來有七八成都係吹與樓主噶帖無關噶說話！你係樓主，你會點諗！而作為洗版王噶我去回覆，我都唔知回覆D咩比你地好！因為你地噶帖純粹吹水，全部都係水份帖，已經無左正骨區真正討論骨場事件噶真義！咁我重可以覆咩呢？重睇大家噶帖有咩意思呢？咪只係見到D內容黎黎黎去都係你寸下我，我又笑下你咁？係咪？樓主見到咁亦冇晒出帖噶興趣！因為有邊個人想自己辛苦費精神出噶帖淪為大家吹水寸人之地呢！



大家知道嘛！其實自我回歸後，我已經好耐好耐冇落過主版區睇過你地係我失其間出噶帖！其實我好想睇，因為我冇上大陸成兩個月！我真係好想知道最近有咩好野、又咩場做緊promtion、有咩場有正野玩！但係，我好耐都冇落過去！淨係係子版到滯留！唔係我唔想落！係我驚我落到去就大家又一齊落去，咁又將人地噶帖成為大家吹水之地，亦令到果個帖充滿水份！呢樣野，係無論出帖噶人，回帖人，甚至各超版唔希望發生噶事！雖然各大超版並冇提出任何反對，但我認為身為成年人，係應該有一種反思噶習慣！更加要係多方面睇每一件事。而且，我地咁做，亦會令各超版執行杜絕灌水事件時發生問題！試問大家，每一個帖如果都多左大家幾百個回覆！洗版者好快又比我地班吹水人噶水份帖浸走晒！咁你叫西門各超版點有效咁捉拿灌水人士呢？係咪？:y-105:




所以，我懇請大家，請原諒老頑童不是！:y-63: 呢種吹水風氣係又我而起！小弟甘願接受任何處罰！我只係希望大家吹水偶一為之就算，但請適可而止！唔好將人地樓主辛苦出噶帖浪費，好嗎？我只想大家回復以前我地回覆噶心態！係為回覆而回覆，而唔係為升級而回覆！咁加唔好講明自己係為呃分而回覆！咁樣係會破壞vshare 正骨區噶真義、亦唔係西門各超版改革噶意思！更加唔係我去吹水噶原意！我唔想每日只係回覆一D純吹水噶post ！但一D資訊性噶分享都睇唔到，可以嗎？




小弟自知輩份低，論歲數，小弟只行年三十五，無資格教訓大家！論骨齡，相比西門神、吉野師傅及各超版、師弟兄、小白兄、第十行星及所有vip，我更加不提也罷！頂多只屬小學生階段！論forum噶年資！相信大家呢度九成人都比我長！小弟只係擁有一腔熱誠 (或者多埋鐘意認屎認屁)，僅此而已！我懇請大家，我老頑童做錯事一人做事一人當！但唔好害及他人，令出帖人失去出帖噶樂趣，可以嗎？請大家還我一個真正vshare！亦令本人就算最後冇左隻老虎女，都重有番個vshare正骨區都好！:y-62: 咁樣我都算死得有意義！如果大家要鬧，要小我，老頑童心願誠服！絕無半句恕言！但我只希望大家高抬貴手，唔好令小弟所到之處，處處水災嚴重！將出帖者心血化為灰燼，再另我遺臭萬年，好嗎？呢個帖係我出過噶帖中最長最長噶帖！接近三千字！希望呢段肺(廢)腑之言可以令大家睇到我好後悔噶心情！



最後，我真心多謝各位抽空觀看此文，亦衷心多謝大家係我唔係度噶時候對我不離不棄！又西瓜又道士燒香又經常呼召小弟魂魄咁！:y-47: 承蒙大家錯愛！對小弟有話直說，不平則鳴，又鐘意寸人唔駛本，撩事鬥非經常嗌交噶性格包容！現懇請各位接受小弟一拜！以多謝大家好意！在此收筆謝過！




老頑童字

2009年3月31日07:49



p.s. 呢度想補充小小，我知呢篇廢野有好多地方我知係辣慶左大家！認為我係多事或者係睇左會有hard feeling唔開心！係呢度我向所有睇過本文無論你睇完後有咩感覺、開心又好，唔開心又好，我都想作出萬二分噶嫌意！我知我多管閒事，亦冇必要及無資格講以上說話。所以大家睇完可放心，你地唔好嬲，錯只在我一個！其實你地冇錯！每一位網上噶師兄，小弟依然會繼續回覆大家、繼續分享、繼續玩樂！雖然大家素未媒面，但每日能夠同大家分享吹水作樂！我覺得係一大福份！:y-22: 我有好多篇文章係係公司做！因公作關係所以要深夜對電腦，所以當你見到我夜媽媽係度出野時我其實係番緊工。但今日呢篇其實我係係屋企完成。我好小係屋企都座成晚寫咁多野。而且我今日重有個lunch appointment。所以我而家都係訓左幾粒鐘起身作以下補充！補完就要走！Anyway, 真係好對唔住。呢篇野我係唔會作任何回覆！因為你地噶意見無論係支持、或者係好想小我，對我黎講都係講得同應該！我會坦然接受！Last but not least，希望如果小弟再出帖分享，大家仍何大人不記小人過繼續支持！多謝大家！無言感激！如果有一日如果我唔係呢個論壇出現，可能係小弟玩夠要踏入戀愛墳墓，大家都仍會記得我！就算係好噶comment 或遺臭萬年，起碼大家都會記得我！記得vshare上面，有一個咁不知所謂、好管閒事、又懶係鐘意講大篇道理噶物體------老頑童！:y-39:

2009-03-09 12:25

自從改左版后, 我自訂準则,

D师兄系正骨报告区所出噶帖,

識噶就插句咀, 唔識噶就合埋咀.

呢d系对出帖个位Ching噶尊重.

但系吹水区内点样吹法, 你就唔好咁多要求啦,

相信呢个亦都系版主睇到, 同埋觉得有须要变革,

当然所謂自由只不过系佢噶容忍範圍扩大左,

但唔等于可以越出界线,

所以亦都呼吁各位师兄珍惜有限噶空间.

yuen兄講野句句到肉,
小弟自感慚愧,
不過論壇一紅就人多,
人多就難監管,
之前之事可見一班,
版主之管理固然緊要,
呢方面而家呢3位版主都做得好好,
不過得罪講句,
之前版主們間中都出下report吹下水,
不過最近呢3個月佢哋好似出少左好多及冇出咁滯,
一來驚25,我明白(其實我覺得出簡單d都得既),
其他會員又少出報告,
而其他之會員自你出事後有9成以上都係為追看師弟兄d日記而黎,
因佢定時又有heart,又詳細又有相,
無可口非,版主義務,事務多又要管理,所以......
我都唔想比咁大壓力佢哋,
因驚佢哋唔做,咁樣係我哋損失,
所以yuen兄,
小弟只想贈你七字,
一切順其自然吧
如果樣樣睇唔過眼,只會自己辛苦

(以上只屬本人意見,如有得罪及不認同,敬請包涵)

老頑童c兄，HK人，好少咁有"克"，真係令人陰敬！:y-62:
你放心，為了你的精神長存，我絕對唔會為左升起而回post，我絕對係為左回覆而回覆既！:y-30:

一個要權限既區域, 一定令網友, 有好奇心, 佢地為了睇更高權限既內容, 好即極咁去repost吹水, 係難免,

support 老頑童吹水!

老頑童兄,你今日睇到既呢個結果,正是我未癲之前嘅觀感..
上星期我提出黎,個個話我因年資長但只係得高級會員而唔高興...
今日你都終於感受到我以前嘅感受..
但尋日你仲話要將權限set高d,仲率先喺vip區出個100權限嘅帖,點解今日又....
你真係好飄忽難捉....

講得岩呀 老哥....

咁你幾多出番多D 報告呀

老頑童兄:你知唔知乜叫做覆水難收?

老頑童兄:你知唔知乜叫做覆水難收?
超級寂寞on99 發表於 2009-3-31 19:30

                               
登录/注册后可看大图

覆水難收

意指既定事實難以改變，就如潑出去的水難以收回，來比喻已成定局的事無法更改。

語見晉代王嘉《拾遺記》所載的一個關於姜太公的故事。姜太公妻馬氏因不堪貧困而求去，直到姜太公富貴又來求合，太公取水潑地，叫她取回。這當然不可能，姜太公便說："若能離更合，覆水定難收。"


近義：木已成舟、米已成炊
反義：破鏡重圓