雖然post o係度好似唔係好o岩, 但真係好激氣, 希望各位多多包涵.
之前去過水圍o個間"X園", D野都已經好難食, 估唔到上星期日同女友去樂園路中興路香港"X園"魚旦牛丸大王, 睇門口好似幾正咁, 咁就比多次機會佢.
入到去叫左牛丸魚旦魚面, 女友叫左個魚旦魚面, 加多一個淨雲吞.
個侍應寫完單, 一睇心諗"嘩, 咁燃貴? 好, 又試下係咪同香港一樣先"
牛丸魚旦魚面 RMB$27
魚旦魚面 RMB$22
淨雲吞 RMB$15
淨雲吞先黎, 睇個樣好似幾好.
夾左一粒咬左啖, 有D蝦, 但o個D係乜野肉呢? 臭臭地咁既.....即刻唔食住,
到個面黎到....
試一啖魚旦先, 仆街, 又唔爽口唔彈牙有浸臭魚味, 真係魚旦....
再食一啖牛丸, X家鏟D牛丸粉到仆街, 又唔彈牙又無牛味..........
唔信邪食埋D魚面........真係投降........當然佢無寫係手轆, 呢個時候我都唔要求佢手轆, 但求淨返個面比我食就好滿足.....
個面九成面粉一成唔知咩味, 好野!
成張枱最好食係跟面o個幾條生菜, 樣樣野食兩啖掉低就埋單, 係我女友唔想浪費食多幾啖.
講真, 星期六晚同班朋友去水記玩, 朝早已經好鬼肚餓, 第一餐食到D咁既野真係心灰意冷, 成日都無晒心機.
Total: RMB$64=HK$71, 兩個人蒸條魚抄個菜都仲有錢淨, 我發誓以後餓燃死都唔會再幫襯呢間黑店!!
|