海底捞火锅服务好但食嘢一般

今次系第二次来海底捞，又系同一班朋友，今次系其中一个朋友老公未食过想试，所以就来食，上次我食完後屙咗10次屙到肠胃炎，大陆嘢食真系要渌熟啲，所以今次啲肥牛我都渌耐啲，唔敢求其渌渌算，所以今次食完就无事。

海底捞最近有Hoegaarden draft，我饮咗一杯，打边炉饮清清哋啤酒好解渴。



汤底选咗鸳鸯 - 麻辣 + 椰子鸡，个人锺意食椰子鸡多啲，清清甜甜，渌完再甜自己拼嘅酱，不过有朋友一向嗜辣，极爱麻辣汤。



芝心牛丸 - 芝士心咬落去，少少芝士流出来，好食，芝士唔会太多，啱我呢啲唔系太好芝士嘅人
鱼 - 呢条鱼啲肉好滑，较腍身，都几好食，个人锺意食脆鲩腩多啲，不过试下新嘢都OK噃
鹅肠 - 爽口，好食
肥牛 - 一般；
羊肉 - 一般，切得太薄，渌完得少少，落麻辣汤好啲，可以辟羊膻味
淮山 - 用来打边炉，口感麻麻
粟米 - 浸完椰子鸡汤，好甜又爽口



手工拉面 - 表演一分钟，台下十年功，好睇又好食，手工拉粗幼不一，一人一条试少少份量啱啱好



总扣来讲，服务系好嘅，手工拉面又有表演睇，但嘢食认真一般，汤底又唔系特别正，香港开咗我都唔会话要特登去朝圣。