本帖最后由 賓州電鋸插人狂 于 2018-6-29 00:00 编辑
上兩次BKK我係住呢間酒店, 由National Stadium空鐵站行2~3分鐘就到酒店門口, 由酒店行7~8分鐘就到 "Siam Centre" 或 "Siam Paragon" 兩個商場. 記住由機場往來酒店, 好多的士司機叫價400~500銖 + 70銖高速公路費, 我每次講到明by meter, 實際只係收250銖 + 25銖高速公路費.
今年初住咗三晚房價連稅8650銖, 兌換返港幣約$1900, 相對同級酒店屬於中檔價位, 一切都係簡約樸實, 入到去前檯check in後, 酒店無bell boy服務, 咁你要自己推住行李車搭lift上樓.
樓上走廊嘅藍色燈光比較昏暗, 感覺氣氛有少少詭異.
感覺房間簡潔住得幾舒服, 有齊晒基本設備, 窗景亦算開揚, 酒店無room service提供, 房間內有 "KFC" 或 "Pizza Hut" 嘅外賣menu, 你可以電話落order, 按時落返去lobby拎嘢俾錢.
浴間都係簡單乾淨, 可惜係無得浸浴缸.
紙包裝茶啡仲有兩枝500ml礦泉水都係免費, 雪櫃無供應凍飲, 退房時唔需要管房再去double check, 所以check out時間好快.
酒店7樓每日有免費自助早餐, 無服務員登記房號或帶位, 隨便坐隨便食, 簡單輕食為主但唔好咁有期望.
酒店無laundry service, 有自助洗衣乾衣機由你自己攪掂, 每次收費100銖, 記住投幣機無得找贖, 只可以俾10銖硬幣.
|